Wurkgroep Maritime Skiednis

De Wurkgroep Maritime Skiednis wol de stúdzje nei en de belangstelling foar de maritime skiednis fan Fryslân befoarderje, ûnder oaren mei in jierliks sympoasium.

Persoanen dy't sels aktyf ûndersyk dogge nei de (Fryske) maritime skiednis, kinne lid wurde fan de wurkgroep. Oan it lidmaatskip is gjin kontribúsje ferbûn, mar leden wurdt frege om stiper te wêzen fan de Fryske Akademy. Oanmeldingen as fragen om ynformaasje graach stjoere nei de skriuwer fan de wurkgroep.

Oprjochtingsjier

2008

Bestjoer en kontakt

Foarsitter: Jan Auke Walburg
Ponghâlder: Peter Tolsma
Skriuwer: Hester Postma (e-mail)
Bestjoersleden: Hanno Brand, Johan Steendam, Jelle Jan Koopmans

Oer de wurkgroep

De Wurkgroep Maritime Skiednis wurket oan ferskate aktiviteiten, lykas de neikommende:

It organisearjen fan iepenbiere kongressen oer de (Fryske) maritime skiednis;
It befoarderjen fan it publisearjen fan ûndersyksresultaten;
It befoarderjen fan de ûntsluting en de berikberens fan relevante boarnen;
It befoarderjen fan de ûnderlinge gedachtewiksel fan de leden.

Ferslaggen

Aginda

Utnûging

18 oktober ledegearkomste yn it Skûtsjemuseum Earnewâld
Johan Prins, bouwer fan de replika fan it skûtsje de Aebelina dat sa fluch wie dat it net mear meidwaan mocht oan wedstriden, fertelt oer de bou fan it skip en wêrom't it sa razendfluch wie. It skip is te besjen nei it skoft, wannear't de oprjochter en direkteur fan it museum, Age Veldboom, ús rûnliedt en ferhalen fertelt oer de skepen en oare saken út de kolleksje.
Ynrin 13:00, start 14:00.
Mear ynformaasje >>

Sneon 7 maart 2026, Tresoar, Ljouwert
Mienskiplike gearkomste mei it Genealogysk Wurkferbân fan de Fryske Akademy en de NGV, mei in lêzing fan Jan Auke Walburg oer 'Friezen op zee. De Gouden eeuw van de koopvaardij in Friese steden en dorpen

---

Earder yn it seizoen 2024/2025

12 april 2025, Ir. D.F. Woudagemaal, De Lemmer
Jiersympoasium Wurkgroep Maritime Skiednis.
Mei: Lotte Jensen (Radboud Universiteit Nijmegen), auteur fan it bekroande boek 'Wij en het water'. Koartere foardrachten wurde fersoarge troch Otto Knottnerus, Frits David Zeiler, Mark Raat en Jan-Dirk Wagenaar.
Mear ynformaasje en tickets >>

5 oktober 2024, Museum Hylpen
Ledegearkomste yn mei 2 lêzingen en de mooglikheid om it fernijde museum te besjen. Start: 13:30 oere.
Utnûging NL/Frl